二零二二年二月九日(星期三)
夜晚有蚊,所以雖然今次加咗個床墊,但係瞓得返而無上次咁好,逸逸仲咬到腳碗黑咗添﹗另外,見到爸爸媽媽今次帶埋屋企個枕頭嚟,我都決定下次要UPGRADE下個露營枕頭增強舒適度。
睡寶寶成晚都轉嚟轉去,又起身幫佢塗蚊膏先再瞓得返,最後瞓到差唔多8AM先起身。
朝早又係空無一人的大草原伸展下筋骨。
根據分工,昨晚我們負責晚餐,今天就由爸爸媽媽負責早餐,我地個新鑊出場了。
開餐喇~
今天的早餐係火腿餐肉雞蛋三文治,好味道。
食完三文治先至煲水煮咖啡
我地話早晨嘆咖啡,逸逸話佢嘆玩喎~
所以食完嘢就急不及待的要開始玩。
打下羽毛球
跳繩
放風箏(不過失敗)
逸逸又同爸爸媽媽四圍逛下
臨尾仲要踢埋波,最弊係踢咗個波落爸爸架車底,最後我要趴係地先執返出嚟。
因為有經驗,今次收拾也比上次快得多,有更多時間可以玩,大家可以盡興的玩到最後一刻。
後記一:
朋友話我地係超凍的日子去CAMPING,不過實際上依兩日無乜風又無落雨,唔算太凍,而且神奇的是唔知點解返到屋企先覺得好似凍咗好多。
後記二:
本來諗住去完CAMPING會好累,所以平日星期三晚的聚會取消;但政府突然宣佈收緊社交距離措施,星期四開始禁止私人地方兩家庭以上跨家庭聚會,於是我們把握限聚令前最後一擊,晚上同埋阿妹一家一起吃飯。
後記三:
第一次去露營的爸爸為今次露營寫咗首詩和後記。
野營
紮營郊野群山抱
斗帳青茵建夢鄉
星夜圍爐炊美食
少年玩意老初嘗
後記:上月初疫情還未失控,政府的防疫管控也沒那麼嚴格,曾與兒孫一道去野營,這是老早約好的,大家都期待已久。我們雖然只待了一晚,但這確實是一次難得的新鮮經驗。營地在雞公山麓,環境僻靜清幽,規劃齊備安全,營區寬敞,活動空間甚多。